سورۃ 51 الذاريات (تیز ہوا), آیت 1 – 23
-
وَالذَّارِيَاتِ ذَرْوًا
قسم ہے بکھیرنے والیوں کی اڑا کر.
51:1 -
فَالْحَامِلَاتِ وِقْرًا
پھر اٹھانے والیاں بوجھ کو.
51:2 -
فَالْجَارِيَاتِ يُسْرًا
پھر چلنے والیاں نرمی سے.
51:3 -
فَالْمُقَسِّمَاتِ أَمْرًا
پھر کام کو تقسیم کرنے والیاں.
51:4 -
إِنَّمَا تُوعَدُونَ لَصَادِقٌ
یقین مانو کہ تم سے جو وعدے کیے جاتے ہیں (سب) سچے ہیں.
51:5 -
وَإِنَّ الدِّينَ لَوَاقِعٌ
اور بیشک انصاف ہونے واﻻ ہے.
51:6 -
وَالسَّمَاءِ ذَاتِ الْحُبُكِ
قسم ہے راہوں والے آسمان کی.
51:7 -
إِنَّكُمْ لَفِي قَوْلٍ مُخْتَلِفٍ
یقیناً تم مختلف بات میں پڑے ہوئے ہو.
51:8 -
يُؤْفَكُ عَنْهُ مَنْ أُفِكَ
اس سے وہی باز رکھا جاتا ہے جو پھیر دیا گیا ہو.
51:9 -
قُتِلَ الْخَرَّاصُونَ
بے سند باتیں کرنے والے غارت کر دیئے گئے.
51:10 -
الَّذِينَ هُمْ فِي غَمْرَةٍ سَاهُونَ
جو غفلت میں ہیں اور بھولے ہوئے ہیں.
51:11 -
يَسْأَلُونَ أَيَّانَ يَوْمُ الدِّينِ
پوچھتے ہیں کہ یوم جزا کب ہوگا؟
51:12 -
يَوْمَ هُمْ عَلَى النَّارِ يُفْتَنُونَ
ہاں یہ وه دن ہے کہ یہ آگ پر تپائے جائیں گے.
51:13 -
ذُوقُوا فِتْنَتَكُمْ هَٰذَا الَّذِي كُنْتُمْ بِهِ تَسْتَعْجِلُونَ
اپنی فتنہ پردازی کا مزه چکھو ، یہی ہے جس کی تم جلدی مچا رہے تھے.
51:14 -
إِنَّ الْمُتَّقِينَ فِي جَنَّاتٍ وَعُيُونٍ
بیشک تقویٰ والے لوگ بہشتوں اور چشموں میں ہوں گے.
51:15 -
آخِذِينَ مَا آتَاهُمْ رَبُّهُمْ ۚ إِنَّهُمْ كَانُوا قَبْلَ ذَٰلِكَ مُحْسِنِينَ
ان کے رب نے جو کچھ انہیں عطا فرمایا ہے اسے لے رہے ہوں گے وه تو اس سے پہلے ہی نیکوکار تھے.
51:16 -
كَانُوا قَلِيلًا مِنَ اللَّيْلِ مَا يَهْجَعُونَ
وه رات کو بہت کم سویا کرتے تھے.
51:17 -
وَبِالْأَسْحَارِ هُمْ يَسْتَغْفِرُونَ
اور وقت سحر استغفار کیا کرتے تھے.
51:18 -
وَفِي أَمْوَالِهِمْ حَقٌّ لِلسَّائِلِ وَالْمَحْرُومِ
اور ان کے مال میں مانگنے والوں کا اور سوال سے بچنے والوں کا حق تھا.
51:19 -
وَفِي الْأَرْضِ آيَاتٌ لِلْمُوقِنِينَ
اور یقین والوں کے لئے تو زمین میں بہت سی نشانیاں ہیں.
51:20 -
وَفِي أَنْفُسِكُمْ ۚ أَفَلَا تُبْصِرُونَ
اور خود تمہاری ذات میں بھی، تو کیا تم دیکھتے نہیں ہو.
51:21 -
وَفِي السَّمَاءِ رِزْقُكُمْ وَمَا تُوعَدُونَ
اور تمہاری روزی اور جو تم سے وعده کیا جاتا ہے سب آسمان میں ہے.
51:22 -
فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ
آسمان وزمین کے پروردگار کی قسم! کہ یہ بالکل برحق ہے ایسا ہی جیسے کہ تم باتیں کرتے ہو.
51:23
ترجمہ: محمد ابراہیم جوناگڑھی