سورۃ 88 لپیٹنے والا, آیت 1 – 26
-
هَلْ أَتَاكَ حَدِيثُ الْغَاشِيَةِ
کیا تجھے بھی چھپا لینے والی (قیامت) کی خبر پہنچی ہے.
88:1 -
وُجُوهٌ يَوْمَئِذٍ خَاشِعَةٌ
اس دن بہت سے چہرے ذلیل ہوں گے.
88:2 -
عَامِلَةٌ نَاصِبَةٌ
(اور) محنت کرنے والے تھکے ہوئے ہوں گے.
88:3 -
تَصْلَىٰ نَارًا حَامِيَةً
وه دہکتی ہوئی آگ میں جائیں گے.
88:4 -
تُسْقَىٰ مِنْ عَيْنٍ آنِيَةٍ
اور نہایت گرم چشمے کا پانی ان کو پلایا جائے گا.
88:5 -
لَيْسَ لَهُمْ طَعَامٌ إِلَّا مِنْ ضَرِيعٍ
ان کے لئے سوائے کانٹے دار درختوں کے اور کچھ کھانے کو نہ ہوگا.
88:6 -
لَا يُسْمِنُ وَلَا يُغْنِي مِنْ جُوعٍ
جو نہ موٹا کرے گا نہ بھوک مٹائے گا.
88:7 -
وُجُوهٌ يَوْمَئِذٍ نَاعِمَةٌ
بہت سے چہرے اس دن تروتازه اور (آسوده حال) ہوں گے.
88:8 -
لِسَعْيِهَا رَاضِيَةٌ
اپنی کوشش پر خوش ہوں گے.
88:9 -
فِي جَنَّةٍ عَالِيَةٍ
بلند وباﻻ جنتوں میں ہوں گے.
88:10 -
لَا تَسْمَعُ فِيهَا لَاغِيَةً
جہاں کوئی بیہوده بات نہیں سنیں گے.
88:11 -
فِيهَا عَيْنٌ جَارِيَةٌ
جہاں بہتا ہوا چشمہ ہوگا.
88:12 -
فِيهَا سُرُرٌ مَرْفُوعَةٌ
(اور) اس میں اونچے اونچے تخت ہوں گے.
88:13 -
وَأَكْوَابٌ مَوْضُوعَةٌ
اور آبخورے رکھے ہوئے (ہوں گے).
88:14 -
وَنَمَارِقُ مَصْفُوفَةٌ
اور ایک قطار میں لگے ہوئے تکیے ہوں گے.
88:15 -
وَزَرَابِيُّ مَبْثُوثَةٌ
اور مخملی مسندیں پھیلی پڑی ہوں گی.
88:16 -
أَفَلَا يَنْظُرُونَ إِلَى الْإِبِلِ كَيْفَ خُلِقَتْ
کیا یہ اونٹوں کو نہیں دیکھتے کہ وه کس طرح پیدا کیے گئے ہیں.
88:17 -
وَإِلَى السَّمَاءِ كَيْفَ رُفِعَتْ
اور آسمان کو کہ کس طرح اونچا کیا گیا ہے.
88:18 -
وَإِلَى الْجِبَالِ كَيْفَ نُصِبَتْ
اور پہاڑوں کی طرف کہ کس طرح گاڑ دیئے گئے ہیں.
88:19 -
وَإِلَى الْأَرْضِ كَيْفَ سُطِحَتْ
اور زمین کی طرف کہ کس طرح بچھائی گئی ہے.
88:20 -
فَذَكِّرْ إِنَّمَا أَنْتَ مُذَكِّرٌ
پس آپ نصیحت کر دیا کریں (کیونکہ) آپ صرف نصیحت کرنے والے ہیں.
88:21 -
لَسْتَ عَلَيْهِمْ بِمُصَيْطِرٍ
آپ کچھ ان پر داروغہ نہیں ہیں.
88:22 -
إِلَّا مَنْ تَوَلَّىٰ وَكَفَرَ
ہاں! جو شخص روگردانی کرے اور کفر کرے.
88:23 -
فَيُعَذِّبُهُ اللَّهُ الْعَذَابَ الْأَكْبَرَ
اسے اللہ تعالیٰ بہت بڑا عذاب دے گا.
88:24 -
إِنَّ إِلَيْنَا إِيَابَهُمْ
بیشک ہماری طرف ان کا لوٹنا ہے.
88:25 -
ثُمَّ إِنَّ عَلَيْنَا حِسَابَهُمْ
پھر بیشک ہمارے ذمہ ہے ان سے حساب لینا.
88:26
ترجمہ: محمد ابراہیم جوناگڑھی