سورۃ 78 النبأ (اعلان), آیت 30 – 40

1. فَذُوقُوا فَلَنْ نَزِيدَكُمْ إِلَّا عَذَابًا

   اب تم (اپنے کیے کا) مزه چکھو ہم تمہارا عذاب ہی بڑھاتے رہیں گے.

   78:30

2. إِنَّ لِلْمُتَّقِينَ مَفَازًا

   یقیناً پرہیزگار لوگوں کے لئے کامیابی ہے.

   78:31

3. حَدَائِقَ وَأَعْنَابًا

   باغات ہیں اور انگور ہیں.

   78:32

4. وَكَوَاعِبَ أَتْرَابًا

   اور نوجوان کنواری ہم عمر عورتیں ہیں.

   78:33

5. وَكَأْسًا دِهَاقًا

   اور چھلکتے ہوئے جام ہیں.

   78:34

6. لَا يَسْمَعُونَ فِيهَا لَغْوًا وَلَا كِذَّابًا

   وہاں نہ تو وه بیہوده باتیں سنیں گے اور نہ جھوٹی باتیں سنیں گے.

   78:35

7. جَزَاءً مِنْ رَبِّكَ عَطَاءً حِسَابًا

   (ان کو) تیرے رب کی طرف سے (ان کے نیک اعمال کا)یہ بدلہ ملے گا جو کافی انعام ہوگا.

   78:36

8. رَبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَٰنِ ۖ لَا يَمْلِكُونَ مِنْهُ خِطَابًا

   (اس رب کی طرف سے ملے گا جو کہ) آسمانوں کا اور زمین کا اور جو کچھ ان کے درمیان ہے ان کا پروردگار ہے اور بڑی بخشش کرنے واﻻ ہے۔ کسی کو اس سے بات چیت کرنے کا اختیار نہیں ہوگا.

   78:37

9. يَوْمَ يَقُومُ الرُّوحُ وَالْمَلَائِكَةُ صَفًّا ۖ لَا يَتَكَلَّمُونَ إِلَّا مَنْ أَذِنَ لَهُ الرَّحْمَٰنُ وَقَالَ صَوَابًا

   جس دن روح اور فرشتے صفیں باندھ کر کھڑے ہوں گے تو کوئی کلام نہ کر سکے گا مگر جسے رحمٰن اجازت دے دے اور وه ٹھیک بات زبان سے نکالے.

   78:38

10. ذَٰلِكَ الْيَوْمُ الْحَقُّ ۖ فَمَنْ شَاءَ اتَّخَذَ إِلَىٰ رَبِّهِ مَآبًا

    یہ دن حق ہے اب جو چاہے اپنے رب کے پاس (نیک اعمال کر کے) ٹھکانا بنالے.

    78:39

11. إِنَّا أَنْذَرْنَاكُمْ عَذَابًا قَرِيبًا يَوْمَ يَنْظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنْتُ تُرَابًا

    ہم نے تمہیں عنقریب آنے والے عذاب سے ڈرا دیا (اور چوکنا کر دیا) ہے ۔ جس دن انسان اپنے ہاتھوں کی کمائی کو دیکھ لے گا اور کافر کہے گا کہ کاش! میں مٹی ہو جاتا.

    78:40

ترجمہ: محمد ابراہیم جوناگڑھی